|
||
| English | | | Afrikaans |
| info@breytenbachs.com | ||
| Fri, 21/11/2008 | ||
Die Britse regering het onverwags die implementering van die nuwe Vlak 2 bespoedig. Die aankondiging is gemaak op Dinsdag-middag, 28 Oktober 2008, dat die bestaande Werkspermit-skema sal verval op 26 November 2008 en vervang sal word met die nuwe Vlak 2 op 27 November 2008.
Neem daarom asseblief kennis dat Breytenbachs nie enige aansoeke vir werkgewers kan indien, om nie-EU burgers in diens te neem onder die reëls van die bestaande skema, later as 25 November 2008 nie. Die aansoeke moet die 'Home Office' op die laaste bereik op Woensdag, 26 November 2008. Breytenbachs benodig dus alle toepaslike inligting vir die aansoek, teen niks later as 17 November 2008 nie.
Dit beteken dat die laaste dag vir die plasing van werkspermit advertensies 28 Oktober 2008 was, ingevolge die huidige werkspermit-skema. Waar advertensies betrokke is, kan Breytenbachs nie 'n aansoek vir 'n werkspermit indien, alvorens die advertensie 28 dae oud is nie. Die periode word bereken van die eerste dag wat die advertensie in die media verskyn.
Die firma kan geen verantwoordelikheid neem vir aansoeke, indien ons nie betyds geskrewe instruksies kry om voort te gaan met 'n aansoek nie. Indien daar dus enige onduidelikheid of onsekerheid bestaan oor jou situasie, moet jy asseblief overwyld met Breytenbachs in aanraking tree.
Neem ook asseblief kennis, dat indien jy te laat is om jou aansoek in te dien ingevolge die huidige Werkspermit-skema, ons jou van hulp sal kan wees met die nuwe Vlak 2 aansoeke, vanaf 27 November 2008. Breytenbachs het ook 'n afdeling wat uitsluitlik werk met Borgskap-lisensies. Hierdie departement is reeds sedert September 2008 operasioneel. Kontak ons gerus vir enige verdere inligting in die verband.
Vind asseblief meer uit oor die nuwe Vlak 2 en Borgskap-lisensies aan die einde van die afdeling hieronder wat handel oor werkspermitte.
Die Britse werkspermitskema is een van die vernaamste roetes hoe die Britse Regering die tekorte in die arbeidsmark aanspreek. Dit is ook een van die gewildste maniere vir oorsese burgers om internasionale werkservaring in die VK op te doen.
Hoe kwalifiseer ek vir die tipe permit?
‘n Aansoek vir ‘n werkspermit moet deur die voornemende VK werkgewer gedoen word en nie die werknemer nie. Die volgende vereistes moet onder andere nagekom word:
Die werkgewer moet ‘n maatskappy of besigheid wees, gebaseer binne die Verenigde Koninkryk
Die werknemer moet die volgende kwalifikasies en ondervinding hê:
‘n Universiteitsgraad ekwivalent aan ‘n Britse Universiteitskwalifikasie, of
‘n Relevante Hoër Nasionale Diploma, ekwivalent aan ‘n soortgelyke Britse kwalifkasie, of
‘n Nie-relevante Hoër Nasionale Diploma, ekwivalent aan ‘n soorgelyke Britse kwalifikasie en een jaar se relevante werkservaring op NVQ Vlak 3 of bo, of
Ten minste drie jaar se senior of spesialis ervaring in ‘n spesifieke rigting op ‘n vlak wat ekwivalent is aan die Britse NVQ of SVQ Vlak 3 of bo.
Werkspermit aansoeke val in twee kategorieë:
Vlak I aansoeke:
Hierdie werkspermit aansoeke vereis geen arbeidstoets (Resident Labour Test) nie.
Voorbeelde van die tipe aansoeke sluit in:
Intermaatskappy oorplasings werkspermitte.
Werkspermitte vir Senior Raadsvlak poste waar die voornemende werknemer etlike jare se vorige raadsvlak ervaring het of ekwivalente ervaring.
Werkspermitte waar ‘n substansiële buitelandse belegging in die VK gemaak word, onderhewig aan die aanstelling van die voornemende werknemer in ‘n sleutelposisie in die maatkskappy. Normaalweg sal ‘n investering van ten minste £350 000 vereis word en moet hierdie investering tot substansiële werkskepping in die VK maatskappy lei.
Beroepe waar tekorte beleef word (Shortage Occupations): Die Departement van Onderwys en Vaardighede publiseer hierdie lys van beroepe waar ‘n tekort beleef word in Brittanje. ‘n Beroep wat op hierdie lys verskyn hoef nie adverteer te word ingevolge die reëls van die werkpermitskema nie.
Die lys met beroepe waarin tekorte beleef word, word gereeld opgedateer, maar sluit huidiglik poste binne die volgende kategorieë in:
Onderwysers
Dokters
Trein- en Brug ingenieurs
Sekere telekom en telekommunikasie verwante ingenieurs beroepe
Ander poste soos: Kliniese sielkundiges, Arbeidsterapeute, Veeartse, CAA gelisensieërde Vliegtuig ingenieurs, Aptekers, Aktuarisse en Fisioterapeute.
Vlak II aansoeke:
Vir werkspermit aansoeke vir posisies wat nie binne vlak I val nie, sal dit nodig wees vir die Britse werkgewer om ‘n arbeidstoets ( Resident Labour Test) te doen voordat daar vir ‘n werkspermit aansoek gedoen kan word.
Hoe doen ek aansoek en moet ek vooraf toestemming kry om die VK binne te kom?
Die voornemende werkgewer moet aansoe doen by 'Work Permits UK' namens die werknemer en moet die posisie eers adverteer om te verseker dat geen Britse of EU burger die posisie kan vul nie, tensy dit ‘n Vlak I pos is.
Sodra die werkspermit verkry is, moet daar vooraf toestemming om die VK binne te kom verkry word, voor vertrek na die VK, indien die permit geldig is vir ses maande of langer. Vooraf toestemming om die VK binne te kom word nie benodig as die permit geldig is vir ‘n periode korter as ses maande nie.
Aansoek vir ‘n werkspermit kan van binne die VK gedoen word - onder sekere omstandighede.
Breytenbachs het ‘n departement wat uitsluitlik daarop fokus om werkgewers en werknemers behulpsaam te wees met die verkryging van werkspermitte en sal u kan help om die proses seepglad en vinnig te laat verloop.
Sommige Reëls en Beperkings op die Houer van ‘n VK Werkspermit:
Jy mag nie van werk verander sonder dat jou voornemende VK werkgewer die oordrag van jou permit deur ‘Work Permits UK’ gereël het nie.
Jy mag nie betrokke wees in ‘n eie besigheid nie.
Jy mag deeltyds werk in ‘n soortgelyke veld as die waarin jou werkspermit toegeken is, buite jou normale werksure en met jou werkgewer se toestemming.
Jy moet jouself en afhanklikes kan akkomodeer en onderhou, sonder toegang tot openbare fondse.
Jy kan aansoek doen vir jou afhanklikes om jou te vergesel na die VK. Jou afhanklikes sal kan werk in die VK, sonder enige beperkings.
Lei hierdie permit na permanente verblyf?
Ja, nadat jy vyf jaar op die permit was, sal jy kan kwalifiseer om aansoek te doen vir permanente verblyf
Een van die mees gewilde maniere vir oorsese burgers om in die VK te werk is via die gewilde werkspermit-skema. Die skema word egter vervang met die nuwe Vlak 2 vir Geskoolde Werkers, deel van die nuwe Punte-gebaseerde immigrasie stelsel, op 27 November 2008. Hieronder volg dan 'n kort uiteensetting van wat die nuwe Vlak 2 gaan behels.
Agtergrond
Die nuwe punte-gebaseerde immigrasie-stelsel bestaan uit vyf vlakke, wat min of meer korrelleer met bestaande visums soos die werkspermit, studente visums, twee-jaar werksvakansie visums ens. Dit is dus steeds moontlik vir mense om in die VK te werk en studeer, solank hulle die hoeveelheid vereiste punte kan verdien in die kategorie waarvoor hulle wil aansoek doen.
Die huidige werkspermit-skema verval op 30 November 2008.
Borgskap Lisensies
Ingevolge die nuwe Vlak 2, moet 'n werkgewer 'n lisensie kry van die Britse 'Border Agency' wat hom in staat sal stel om burgers van buite die Europese Unie in diens te neem, wat normaalweg werkspermitte sou moes hê. Gelisensieerde borge sal dan kan aandui watter migrante hulle wil hê die Britse regering moet toelaat, deur hulle uit te reik met 'n Borskap-sertifikaat, mits die persoon voldoen aan die vereistes van Vlak 2. Die sertifikaat waarborg egter nie dat die Britse regering die aansoeker sal uitreik met toestemming (entry clearance) om die VK binne te kom nie. As 'n vereiste om 'n borgskap lisensie te behou, sal werkgewers die Britse regering moet verwittig indien 'n migrant nie aan sy visum-vereistes voldoen nie; soos wanneer hy/sy nie opdaag vir werk nie of verdwyn. Indien die borg nie aan die vereistes voldoen nie, kan die borgskap-lisensie opgeskort word.
Die aansoek-prosedure vir so 'n tipe borgskap-lisensie is gekompliseerd en behels 'n aanlyn-aansoek gevolg deur die lewering van toepaslike dokumente.
Breytenbachs beveel aan dat werkgewers sonder versuim met ons in aanraking tree om die aansoek-proses aan die gang te kry.
Wanneer word dit geïmplementeer?
Vlak 2 tree in werking op 1 Desember 2008.
Hoe kwalifiseer mens vir Vlak 2?
'n Aansoeker wat in die VK wil kom woon en werk ingevolge die vereistes van Vlak 2, moet 'n borgskap-lisensie kry van 'n werkgewer en kan bewys dat hy/sy ten minste 70 punte kan verdien ingevolge die kriteria van die skema. Sien asseblief die tabel hieronder. Die punte sluit ook punte in wat verband hou met die borgskap-lisensie en wat uitgereik sal word deur die voornemende Britse werkgewer vir 'n spesifieke pos. Daar is ook twee kontrole toetse, naamlik;
'n Onderhoud vereiste, wat £800 is vir aansoeke van buite die VK, insluitende 2/3 van hierdie bedrag vir elke afhanklike wat die aansoeker gaan vergesel. Die slaagpunt hier is 10 punte.
'n Engelse
taalvaardigheid toets. Die slaagpunt hier is ook 10 punte.
|
Afdeling |
Sertifikaat van Borgskap |
|
Kwalifikasies |
|
Verwagte verdienste |
|
|
A |
Werksaanbod op beroepstekortlys |
50 |
Geen kwalifikasies |
0 |
£17,000 - 19,999 |
5 |
|
|
|
|
|
|
|
|
|
|
Werksaanbod wat die Plaaslike |
30 |
NVQ3 |
5 |
£20,000 - 21,999 |
10 |
|
|
Arbeidstoets slaag |
|
|
|
|
|
|
|
|
|
Baccaleurs / Meesters |
10 |
£22,000 - 23,999 |
15 |
|
|
Intra-Maatskappy Oorplasing |
30 |
|
|
|
|
|
|
|
|
PhD |
15 |
£24,000 + |
20 |
|
|
|
|
|
|
|
|
|
B |
Onderhoud Vereiste |
|
|
|
|
10 |
|
|
|
|
|
|
|
|
|
C |
Engelse taalvaardigheid |
|
|
|
|
10 |
Sodra 'n aansoeker 'n borgskap lisensie ontvang het, sal hy/sy moet aansoek doen vir toestemming (entry clearance) om die VK binne te gaan. Dit kan gedoen word by die Britse Hoë Kommissaris in jou land van herkoms.
Oorgangsmaatreëls
Oorgangsmaatreëls sal in plek gestel word vir diegene wie se huidige werkspermitte verval na die inwerking trede van die Vlak 2 Geskoolde Werkers. Die maatreëls is nog nie gefinaliseer nie. Dit is wel bekend dat die werkgewer 'n borgskap-lisensie sal moet hê om die werknemer se permit te kan verleng onder die nuwe kriteria.
Die pad vorentoe
Breytenbachs sal sy kliënte in kennis stel van enige verwikkeling via ons maandelikse nuusbrief. Ons wil ook graag kliënte adviseer om ons onverwyld te kontak indien hulle wil aansoek doen vir borgskap lisensies of 'n werkspermit, onder die huidige kriteria.
| VK Permitte en Visums |
| Teken in op Nuusbrief | |
|
| Algemene |
| © Breytenbachs. 2004 | Vrywaring | Regulated by the Law Society |