• Permitte & Visums
• Eiendom & Aktes
• Ander Dienste
• Nuus
• Nuusbrief
• Gids tot Londen
• Skakels
• Kalender
• Prysbeleid
• Kontak Ons
• Oor Ons
• Waar kry ek?

Ongetroude Lewensmaat

Hierdie kategorie stel ongetroude lewensmaats van Britse burgers of permanente inwoners van die VK, wat saamgebly het in ‘n heteroseksuele of homoseksuele verhouding vir ten minste twee jaar daartoe in staat om hulle lewensmaat na die VK te vergesel of by hom/haar aan te sluit in die VK.

Hoe kwalifiseer ek vir die tipe permit?

• Jy moet kan bewys dat jy die ongetroude lewensmaat van ‘n persoon teenwoordig en in permanente verblyf in die VK is of dat jy op dieselfde stadium saam met ‘n persoon die land binnekom wat die land binnekom op permanente verblyf.
• Jy moet kan bewys dat julle in ‘n verhouding soortgelyk aan ‘n huwelik was vir die afgelope twee jaar of langer.
• Jy moet kan bewys dat daar voldoende akkomodasie vir jou en jou afhanklikes sal wees, sonder toegang tot openbare fondse vir akkomodasie.
• Jy moet kan bewys dat julle van plan is om permanent saam te bly.
• Jy moet 21 jaar of ouer wees om te kan aansoek doen vir die tipe visum.

Hoe doen ek aansoek en moet ek vooraf toestemming verkry om die VK binne te kom?

Jy moet by die Britse Hoë Kommissaris aansoek doen vir vooraf toestemming om die VK binne te kom as ‘n ongetroude lewensmaat. Dit is slegs moontlik om na hierdie status oor te skakel vanaf binne die Verenigde Koninkryk as jy reeds toestemming tot verblyf het in die VK of indien jy voorheen toestemming gehad het tot verblyf en nou wil aansoek doen vir verdere toestemming tot verblyf.

Breytenbachs sal jou behulpsaam kan wees met jou aansoek.

'n Paar reëls en beperkings op ‘n Ongetroude Lewensmaat-Aansoek

• Jy sal vrylik in die VK mag werk
• Jy en jou lewensmaat sal julleself en enige afhanklikes moet kan onderhou en akkomodeer sonder toegang tot openbare fondse vir akkomodasie.

Lei hierdie permit tot permanente verblyf?

Jy kan aansoek doen vir permanente verblyf na twee jaar in die VK.