BreytenbachsBreytenbachs

English|Afrikaans
info@breytenbachs.com
Fri, 30/7/2010

Vlak 4 (Algemeen) Studente Visum

Die Verenigde Koninkryk was nog altyd ontvanklik om studente van regoor die wêreld te ontvang. So ook gee dit die geleentheid aan oorsese studente om hoë gehalte kursusse te volg in Brittanje, en die geleentheid om die Britse kultuur te beleef en ervaar.

Die Vlak 4 (Algemeen) studente kategorie is geloods op 31 Maart 2009 en is ontwerp om groter deursigtigheid te bring in die visum-proses. Vlak 4 van die punte-gebaseerde immigrasie-stelsel plaas die onus op die kollege/universiteite om hulle eie studente te beheer en te bestuur, asook die verpligting om studente aan die owerhede te rapporteer wat nie aan sekere standaarde voldoen nie. Dit sluit onder andere in die rapportering van 'n student se klas-bywoning en die opdatering van studente-rekords. Daar word ook ingevolge die punte-gebaseerde stelsel van kolleges/universiteite verwag om 'n lisensie te bekom, alvorens hulle oorsese studente mag borg om in die VK te studeer.

Oorsese studente wat uiteindelik afstudeer in die VK met sekere kwalifikasies kan daarna aansoek doen vir die Vlak 1 Na-studie werk visum, of kan hul kanse bevorder om 'n werkspermit te bekom.

Hoe kwalifiseer jy vir 'n studente visum?

Om aansoek te doen vir 'n studente visum ingevolge Vlak 4 moet 'n aansoeker 40 punte kan verdien om te kwalifiseer;

  • Vir 'n elektroniese CAS ('Confirmation of Acceptance of Studies') verwysingsnommer van 'n gelisensieërde opvoedkundige instansie, kan jy 30 punte verdien.

  • Indien jy kan bewys dat jy voldoende fondse in jou bankrekening het, kan jy 10 punte verdien.

Die 'voldoende fondse' wat vereis word sal afhang van die ligging van die opvoedkundige instansie, aangesien verskillende bedrae vereis word vir verskillende liggings in die VK.

Studente Visum Verlenging

Om te kwalifiseer om jou huidige studente visum te verleng, sal jy weereens 40 punte moet kan verdien;

  • Vir 'n geldige CAS nommer van 'n gelisensieerde opvoedkundige instansie kan jy 30 punte verdien.

  • Indien jy kan bewys dat jy voldoende fondse beskikbaar het kan jy 'n verdere 10 punte verdien.

Studente visum verlengings-aansoeke verskil van aanvanklike aansoeke deurdat die bewys van voldoende fondse en onderhoud verskil. Breytenbachs sal jou van meer inligting in die verband voorsien.

'n Paar reëls en regulasies van toepassing op die houer van 'n Vlak 4 studente visum

  • Jy mag net 20 ure per week werk gedurende die termyn indien jy 'n kursus op graadvlak of bo studeer. Indien jy 'n kursus onder graadvlak studeer, mag jy slegs 10 ure per week werk gedurende die termyn.
  • Jy mag egter werk so lank as wat jy wil gedurende vakansies, tot 'n maksimum van drie maande.
  • Afhanklikes mag jou nie vergesel indien jy vir ses maande of korter studeer nie.
  • Afhanklikes mag glad nie werk indien jy 'n kursus onder graadvlak studeer nie, tensy hulle aansoek doen vir 'n permit of visum in hul eie reg wat hul toelaat om te werk.
  • Jy het nie toegang tot openbare fondse nie.
  • Studente mag net op 'n sekere 'vlak' studeer vir 'n bepaalde tydperk. Dit is om te verhoed dat studente die sisteem misbruik deur op 'n basiese vlak te studeer vir 'n aantal jare, sonder om werklik te vorder. Breytenbachs sal jou van meer inligting in die verband voorsien.

Wat kan jy doen na afloop van jou kursus? 

Indien jy 'n Meestersgraad het kan jy oorskakel na voltydse werk sonder om die VK te verlaat. Ander kategorieë waarin oorgeskakel kan word, sonder om die VK te verlaat is:

  • 'n Vlak 2 werkspermit.

  • 'n Vlak 1 Hoog geskoolde permit.

  • 'n Vlak 1 Na-studie visum.

Teken in op Nuusbrief

Vul asb u besonderhede hieronder in om die maandelikse Breytenbachs nuusbrief te ontvang.
 
© Breytenbachs. 2004Vrywaring | Regulated by the Law Society