• Permitte & Visums
• Eiendom & Aktes
• Ander Dienste
• Nuus
• Nuusbrief
• Gids tot Londen
• Skakels
• Kalender
• Prysbeleid
• Kontak Ons
• Oor Ons
• Waar kry ek?

Onafhanklike Afgetrede Persone

Die onafhanklike afgetrede persone is ‘n kategorie wat geskep is vir afgetrede persone wat in die Verenigde Koninkryk wil woon.

Hoe kwalifiseer ek vir die tipe permit?

• Jy moet ten minste 60 jaar oud wees.
• Jy moet ten minste £25 000 per jaar besteebare inkomste hê in die VK. Die geld moet ook onder jou beheer wees.
• Jy moet jouself en enige afhanklikes vir ‘n onbeperkte periode in die VK moet kan onderhou uit jou eie bronne, sonder enige hulp van ‘n ander persoon, sonder om indiensneming te aanvaar en sonder toegang tot openbare fondse.
• Jy moet ‘n nabye verbintenis met die VK kan bewys.
• Jy moet van plan wees om die VK jou primêre tuiste te maak.

Hoe doen ek aansoek en moet ek vooraf toestemming verkry om die VK binne te kom?

Jy moet aansoek doen by die Britse Hoë Kommissaris vir vooraf toestemming om die VK binne te kom as ‘n onafhanklike afgetrede persoon. Normaalweg sal die Britse Hoë Kommissaris ‘n besluit neem sonder om dit terug te verwys na die Britse 'Home Office' in die VK. Breytenbachs sal jou van hulp kan wees met jou aansoek.

'n Paar Reëls en Beperkings op ‘n onafhanklike afgetrede persoon:

• Jy mag aansoek doen vir jou eggenoot/lewensmaat om jou te vergesel na die VK. Jou eggenoot hoef nie ouer as 60 jaar te wees nie.
• Nie jy of jou eggenoot mag werk in die VK aanvaar nie.
• Die verwagte inkome van £25,000 per jaar moet investerings-inkome wees en nie inkomste verdien uit indiensneming nie.
• As jy suksesvol is in jou aansoek sal jy toestemming verkry om vir vyf jaar in die VK te bly.

Lei hierdie permit tot permanente verblyf?

Ja, indien jy toestemming verky om in die VK te bly op hierdie basis vir ‘n tydperk van vyf jaar, kan jy aan die einde van hierdie periode aansoek doen vir permanente verblyf.