BreytenbachsBreytenbachs

English|Afrikaans
info@breytenbachs.com
Fri, 21/11/2008

Grootouer Visum

Met die VK se grootouer visum kan ‘n burger van ‘n Statebondsland, met ‘n grootouer wat gebore is in die VK. toegang verkry tot die VK om te werk en later hom/haarself in die VK te vestig.

Hoe kwalifiseer ek vir die tipe permit?

  • Jy moet ‘n burger van ‘n Statebondsland wees.
  • Jy moet 17 of ouer wees.
  • Jy moet kan bewys dat jy ‘n grootouer het wat in die Verenigde Koninkryk gebore is. Die grootouer kan aan enige kant van jou familie wees. ‘n Persoon kan ook aansoek doen vir die tipe permit as hulle aangeneem is, of indien die ouer wie se lyn van verwantskap jy gebruik ‘n aangenome kind is.
  • Jy moet kan werk en van plan wees om in die VK te werk.
  • Jy moet jouself en enige afhanklikes kan onderhou en akommodeer sonder die gebruik van openbare fondse..

Hoe doen ek aansoek en moet ek vooraf toestemming verkry om die VK binne te kom?

Aansoek word gedoen by die Britse Hoë Kommissaris in jou land van herkoms.

Jy moet vooraf toestemming verkry om VK binne te kom op ‘n grootouer visum. In uitsonderlike gevalle sal ‘n persoon toegelaat word om hulle visum status te verander na die van ‘n grootouer visumhouer van binne die VK.Breytenbachs sal in alle gevalle u van hulp kan wees.

Sommige Reëls en Beperkings op die Houer van ‘n Grootouervisum:

  • Die visum word toegeken vir ‘n periode van vyf jaar ingevolge die nuwe immigrasie reëls in die verband. Indien jy jou grootouer visum onder die ou reëls gekry het vir 'n tydperk van vier jaar, kan jy aansoek doen vir 'n verlenging van jou visum vir nog 'n jaar, om aan die einde van die vyf jaar in aanmerking te kom vir permanente verblyf. 
  • Jy benodig nie ‘n werkspermit nie en jy is nie onderhewig aan enige beperkings in terme van werk nie. Daar sal egter van jou verwag word om te werk tydens jou verblyf op die visum in die VK.
  • Jy kan die VK binnekom en verlaat sonder beperking.
  • Jy het geen toegang tot openbare fondse nie.
  • Jy kan aansoek doen vir ‘n afhanklikheidsvisum vir afhanklikes wat jou wil vergesel na die VK.

Lei hierdie permit na permanente verblyf?

Ja, ‘n maand voor die verstrykingsdatum van die permit – aan die einde van die vyf jaar, kan die visumhouer aansoek doen vir 'permanente verblyf.'. Om te kwalifiseer vir die status moet die aansoeker kan bewys dat hy/sy gewerk het in die VK gedurende hierdie tydperk. Die aansoeker moet ook kan bewys dat hy/sy nie meer as 90 dae per jaar buite die VK deurgebring het gedurende die vyf jaar nie.

Indien ‘n aansoeker vir een of ander rede nie aan die kriteria voldoen om aansoek te doen vir permanente verblyf nie, kan aansoek gedoen vir ‘n verlenging van die grootouervisum.

Teken in op Nuusbrief

Vul asb u besonderhede hieronder in om die maandelikse Breytenbachs nuusbrief te ontvang.
 
© Breytenbachs. 2004Vrywaring | Regulated by the Law Society