Britse regering kondig 'n limiet aan op ekonomiese immigrante
Die nuwe Britse
koalisie-regering het aangekondig dat hulle 'n limiet gaan instel op
die hoeveelheid ekonomiese immgrante wat die VK mag binnekom van
buite Europa.
Die regering gaan 'n 12-weke lange konsultasie
begin met besighede oor presies hoe die limiet bereken sal word. Die konsultasie
sal strek tot die einde van September 2010 en die permanente limiet sal dan in
werking gestel word teen 1 April 2011.
In die tussentyd, gaan die regering, om 'n
oorvloed van aansoeke te voorkom van mense wat die limiet wil vryspring, 'n
interim limiet in werking stel wat in werking tree op 19 Julie 2010. Die interim
limiet sal ten doel hê om te verseker dat die hoeveelheid visums wat uitgereik
word in terme van Vlak 1 en 2 minder is as die visums wat uitgereik is in 2009.
Die interim maatreëls sluit ook in:
-
'n Verhoging van die
hoeveelheid punte wat benodig word vir die Vlak 1 visum vir hoogs geskoolde
persone van 95 punte tot 100 punte (insluitende ten minste 80 punte vir
eienskappe, 10 punte vir Engelse taalvaardigheid en 10 punte ingevolge die
onderhoud-kriteria) en dan ook die beperking op die hoeveelheid visums wat
uitgereik word tot 2009 vlakke; en
-
'n Beperking op die
hoeveelheid sertifikate van borgskap wat deur gelisensieerde werkgewers
uitgereik kan word ingevolge Vlak 2. Sien ook artikel hieronder.
Die limiet op die Vlak 1 (Algemeen)
aansoeke sal net aansoeke affekteer wat oorsee ingedien word. Aansoekers wat
tans in die VK is op Vlak 1 (Algemeen) of houers van HSMP-permitte wat hul
verblyf in die VK wil verleng, of aansoekers wat tans in die VK is in 'n ander
tipe immigrasie-kategorie (bv. werkspermitte) wat hul status wil verander na
Vlak 1 (Algemeen) van binne die VK, sal nie deur die interim limiet beïnvloed
word nie.
Vlak 1 vir investeerders, entrepreneurs en die
nagraadse-studie roete sal ook nie beïnvloed word deur die interim limiet nie.
Aansoekers sal ook nie beïnvloed word deur die
verhoogde 100 punte as hulle tans in die VK as Vlak 1 (Algemeen) migrante of
HSMP migrante is en hulle wil hul verblyf verleng ingevolge die Vlak 1 (Algemene)
kategorie nie. As aansoekers egter in die VK is in 'n ander kategorie (bv.
werkspermit, Vlak 2 of Vlak 1 Nagraadse studie), of as daar aansoek gedoen word
van buite die VK, dan sal daar voldoen moet word aan die verhoogde punte
vereiste van 100 punte om oor te skakel na Vlak 1 (Algemeen).
Kontak gerus ons kantore vir meer inligting.
Vlak 2 - Tussentydse limiete
Die nuwe
koalisie-regering het aangekondig dat hulle 'n nuwe interim limiet
gaan plaas op ekonomiese migrasie na die VK, om 'n toestroming van
aansoeke te verhoed tussen 19 Julie 2010 en April 2011.
Dit sal
Vlak 2 (Algemeen) beïnvloed, maar nie die roetes vir Intra-Maatskappy
oordragte, die roete vir godsdienstige beroepe en Elite sportpersone
nie.
Die
interim limiet vir Vlak 2 sal toegepas word deur die aantal
sertifikate van borgskap wat beskikbaar is vir bestaande borge en
vir voornemende borge te beperk tot die vlakke wat uitgereik is in
2009. Kontak
gerus ons kantore vir meer inligting.
VK Eiendomsmark
Britse Huiseienaars verhoog hul aandeel in eiendomme
Die BBC het berig dat syfers van die Bank van Engeland toon dat
Britse huiseienaars die aandeel in hul eiendomme verhoog. In die
eerste kwartaal van 2010, is
£3,2 biljoen ekstra inbetaal in
verbande, 'n klein bietjie laer as die
£3,4
biljoen toename van die laaste kwartaal in 2009. Die toename is
skynbaar weens die feit dat huiseienaars meer inbetaal in hul
verbande, asook die verhoogde deposito's op nuwe verbande.
Volgens ontleders is
hierdie syfers 'n teken van die veranderde eiendomsmark, sowel as
die veranderde houding van huiseienaars ten opsigte van hul bates.
Britse Rentekoerse vir 16de maand in 'n ry onveranderd
Die Bank van Engeland het rentekoerse onveranderd gelaat vir die
16de maand in ry, op die rekord lae vlak van 0.5%. Die Bank het ook
weereens besluit om nie enige verdere geld in die ekonomie in te
stoot in terme van die kwantitatiewe beleid van die Bank nie.
Koste om 'n huis te besit in die VK daal
Die BBC het berig dat navorsing deur Halifax bevind het dat die
koste om 'n huis te besit en te onderhou, gedaal het met 6% oor die
afgelope twee jaar, grootliks vanweë die dalende koste van verband
betalings. Volgens die navorsing, het die gemiddelde verbandkoerse
gedaal van 5.8% in April 2008 tot 3.67% in April 2010.
Wil jy Britse eiendom koop ?
As jy belangstel om Britse eiendom te koop en graag meer inligting wil
bekom oor ons dienste - ons bekwame span is daar om jou te help!
Kontak gerus ons Eiendomsdepartement vir meer
inligting!
VK Immigrasie - Nuutste verwikkelinge
Datum aangekondig vir Engelse toetse vir lewensmaats
Die Britse 'Home
Office' het aangekondig dat die planne om verpligte Engelse
taaltoetse in te stel vir nie-EU burgers wat by hul lewensmaats wil
aansluit of bly, in werking gaan tree op 29 November 2010.
Die nuwe reël sal van
toepassing wees op persone wat aansoek doen om na die VK te kom of
bly as
die man, vrou, burgerlike lewensmaat, ongetroude lewensmaat,
verloofde, of die voornemende burgerlike lewensmaat van 'n Britse
burger of persoon met permanente verblyfsreg in die VK.
Indien so 'n persoon nie 'n
burger is van oorwegend Engelssprekende land nie, sal hy/sy 'n
Engelse taaltoets moet aflê op 'n basiese vlak by een van die
goedgekeurde taalsentrums.
Suid-Afrika word nie geag 'n
oorwegend Engelssprekende land te wees nie.
Kontak Breytenbachs gerus vir
meer inligting in die verband. Breytenbachs sal ook van hulp kan
wees om 'n Engelse taaltoets vir jou te reël.
Veranderinge aan Vlak 4 Studente Visums
Die Britse 'Home
Office' het aangekondig dat veranderinge aan Vlak 4 van die punte
gebaseerde immigrasie stelsel aangebring word, wat insluit;
-
Vanaf
23 Julie 2010, sal die minimum Engelse taalkursus wat gedoen mag
word op 'n Vlak 4 Studente visum die Vlak B2 wees van die 'Common
European Framework of Reference'; en
-
Vanaf dieselfde
datum, sal Vlak 4 Studente wat wil oorskakel na 'n borg met 'n hoogs
betroubare borgskap lisensie dit doen, onderwyl hulle wag op 'n
besluit van die 'Border Agency'. Studente wat wil oorskakel na 'n
borg met 'n A of B-graad borgskap lisensie, mag nie met hul studies
begin by die nuwe borg, totdat hul 'n positiewe besluit kry van die
'Border Agency' nie. Stelsels is in plek gestel om onnodige
vertragings te voorkom en sodanige aansoeke te prioritiseer.
-
Studente wat 'n
internasionale B-graad kwalifikasie verkry het op 5 Julie 2010, sal
nie hul sertifikate betyds ontvang om aansoek te doen vir
universiteits kursusse wat in September 2010 begin nie. Maatreëls is
egter in plek gestel om sulke studente wat wil aansoek doen vir 'n
Vlak 4 Studente visum te akkommodeer.
Kontak ons gerus vir
meer inligting in die verband.
Engelse Taaltoetse nou ook vir Vlak 4 Studente
Die Britse
'Home Office' het aangekondig dat vanaf 12 Augustus 2010, Engelse
taaltoetse ingestel gaan word vir studente wat aansoek doen vir 'n
visum ingevolge Vlak 4. Indien 'n student 'n kursus wil studeer
onder NQF Vlak 6, behalwe vir 'n 'Foundation' graad of 'n Engelse
taalkursus, en 'n 'Confirmation of Acceptance of Studies' (CAS)
gebruik wat op of na 12 Augustus 2010 uitgereik is, die Vlak 4 borg
moet verseker dat die student Engels taalvaardig is tot op 'n
minimum vlak B1 van die 'Common European Framework of Reference'.
Kontak gerus ons
kantore vir meer inligting in die verband.
Belangrike kennisgewing aan diegene wie se visums afgekeer is op grond van die
onderhoud vereiste
Die Britse 'Home Office' het aangekondig dat tussentydse maatreëls
in plek gestel is, na aanleiding van 'n beslissing in 'n saak, Die
Staat v Pankina.
Aansoekers in
Vlak 1,2, 4 en 5 van die punte-gebaseerde stelsel, wie se aansoeke
afgekeer is weens die feit dat hulle nie die onderhoud vereiste kon
nakom nie, mag nou aansoek doen vir 'n heroorweging van die
beslissing. Die tussentydse maatreëls wat in plek gestel is, sal
geld vir aansoeke wat oorsee ingedien is tussen 23 Junie en 22 Julie
2010, inklusief, asook vir diegene wat aansoeke ingedien het van
binne die VK, met wettige immigrasie-status, op of voor 22 Julie
2010.
Diegene wat in die kategorieë val en wie se aansoeke afgekeer is,
mag aansoek doen vir 'n heroorweging. Kontak gerus ons kantore vir
meer inligting.
Britse Voorouer Visum
Breytenbachs
het 'n hele paar navrae gehad van kliënte wat bekommerd is oor hoe
die nuwe limiet en tussentydse limiet op immigrasie die Voorouer
Visum gaan raak.
Gelukkig is die
huidige limiet op immigrasie slegs van toepassing op die
punte-gebaseerde immigrasie-stelsel en Voorouer Visums val nie in
die kategorie nie. Dit is egter moontlik dat verdere beperkings
aangekondig kan word wat wel die Voorouer visum kan affekteer.
Breytenbachs beveel daarom aan dat enigeen wat oorweeg om vir die
tipe visum aanasoek te doen, dit onverwyld doen.
Wil jy in die VK woon en werk?
Wil jy in die VK werksondervinding opdoen, maar nie seker oor watter
permit of visum jou die geleentheid gaan gee om dit te doen nie? Of sommer
net nuuskierig om te sien of jy kwalifiseer? Hoekom vind jy nie uit nie?
Breytenbachs kan 'n e-evaluasie doen van jou omstandighede maak nie saak
waar in die wêreld jy is nie!
Cashkows - kry kontant uit jou aftree annuiteite
Het jy geweet dat jy kan voordeel trek uit die belasting wetgewing wat
in werking getree het in Suid-Afrika in 2008? Die wetgewing laat Suid-Afrikaners
wat permanent oorsee woon toe om kontant uit hul aftree-annuiteite te
trek, waartoe hul bygedra het voor hul SA verlaat het.
Cashkows kan jou met die komplekse proses van hulp wees.
Om uit te vind watter kontant waarde van jou toegesluit is in
Suid-Afrika, kan jy bloot jou besonderhede registreer by die volgende
skakel.
Cashkows sal dan 'n omvattende soektog doen by alle
leweransiers en jou van 'n gratis persoonlike verslag voorsien met alle
relevante besonderhede oor jou polisse. Die proses neem gewoonlik twee
werksdae.
Kontak Cashkows
vandag by die volgende
skakel.
Terugvoer
By Breytenbachs poog ons konstant om ons dienste te verfyn en slegs die
allerbeste kliëntediens te lewer. Ons waardeer enige terugvoer en kommentaar van
kliënte aangesien dit ons kan help, om jou beter te kan help!
Volg gerus hierdie skakel om jou terugvoer te stuur!
SA IMMIGRASIE
SA Immigrasie - Ons is aanlyn!
Het jy hulp nodig om 'n SA permit of visum vir jou nie-Suid-Afrikaanse
eggenoot te reël om in Suid-Afrika te woon of werk? Of het jy enige ander
vrae oor immigrasie na SA? Ons geregistreerde konsultante wag om jou te
help!
Kliek hierso vir ons aanlyn
Evaluasie-vorm!
Springbok Supporters Klub
Die Springbok
Supporters Klub is weer geloods in Julie 2010!
Jy kan
duisende ponde spaar deur jou lidmaatskap by die klub! Word deel van 'n groot
groep Bok ondersteuners by: Twickenham, Murrayfield, Millenium Stadium and Landsdowne Road.
Jy kan nou
reeds registreer vir die nuwe klub by
www.springboksupporter.co.uk
en in die proses 2 kaartjies wen vir die wedstryd van jou keuse in November.
Wees deel
dan die SA familie in die VK! Vir meer inligting besoek die klub se
webwerf.
ZAUK Lewensstyl Fees -
21 Augustus 2010
'n Studie is gedoen op
verskilende kulture in die VK en dit lyk of al die kulture geneig is
om saam te drom by hul groeperings. Suid-Afrikaners aan die ander kant bly
regoor die VK, en nie noodwendig tussen ander Suid-Afrikaners nie - wel,
dit is nou Wimbledon uitgesluit!
So, vir een dag wil ZAUK soveel as moontlik
Suid-Afrikaners bymekaar bring en die SA lewensstyl vier! Britse vriende
is natuurlik ook welkom!
Die gebeurtenis gaan plaasvind op 21
Augustus, en daar gaan 7's rugby wees van top SA klubs, 2 fantastiese SA
rock groepe - Feral Sun en Swarm. Daar is ook 'n kans om 'n kar te wen ter
waarde van 8,000 pond - geborg deur Breytenbachs. Jy kan ook SA vs die All
Blacks kyk op 'n groot skerm, die talle stalletjies besoek, aan boeresport
deelneem, braai, of aan die potjiekos-kompetisie deelneem. 'n Spesiale
speel-area is ook beskikbaar vir kinders. Kaartjies is nou reeds
beskikbaar, so koop joune om teleurstelling te voorkom. Kaartjies kos £10
per persoon en onder 16 is gratis.
Die fees ondersteun die
Peninsula 77 Round Table in Kaapstad se fondsinsameling.
Moenie hierdie
geleentheid misloop, slegs 30 minute buite Londen nie. Besoek
www.zauk.co.uk vir meer inligting.
Wen 'n motor geborg deur Breytenbachs!
Wen 'n motor ter waarde
van 8,000 pond in die Pale-toe-skop kompetisie by ZAUK se Lewensstyl Fees
in Augustus! Die prys word geborg deur Breytenbachs!
Lees meer daaroor in ons
Julie nuusbrief!
SPORT
Londen Suid-Afrika Rugby Voetbal Klub
'A sleeping
giant of a rugby club with strong South African ties and Premiership
ambitions is making waves in England’s lower leagues.
London South Africa (LSA)
was established three years ago with the vision of progressing from the
canvas of the English club scene in the Surrey County Leagues to the
Premiership. They gained promotion in their first year and followed that up
with another promotion year, which saw them progress to London 4.' -
Artikel verskyn op die Webtuiste Super 14
Volg gerus hierdie skakel vir 'n video
oor die klub se bedrywighede of besoek
hulle
webtuiste vir meer inligting.
Breytenbachs is trots om die
Londen Suid-Afrika klub met hul regswerk te help en te ondersteun en wens
die klub alles van die beste toe!
.
