|
||
| English | | | Afrikaans |
| info@breytenbachs.com | ||
| Fri, 22/8/2008 | ||
Die Bank van Engeland het besluit om rentekoerse bestendig te hou op 5%.
Ontleders is dit eens dan die Bank van Engeland met 'n moeilike besluit sit in die verband - indien hulle rentekoerse verlaag, kan hul beheer verloor oor inflasie. Daarteenoor, indien hulle rentekoerse verhoog, kan hul beheer verloor oor groei en 'n moontlike resessie in die gesig staar. Die hoofdoel van die Monetêre Beleidskomitee is nietemin om inflasie bestendig te hou by 2%, terwyl dit tans op 3,8% is.
Ontleders glo egter dat met die onlangse verlaging in die prys van olie, rentekoerse so vroeg as in November verder gesny kan word.
Die BBC het berig dat die Britse regering die moontlikheid ondersoek om die betaling van seël belasting uit te stel, om sodoende die eiendomsmark aan te wakker.
Die Britse Minister van Finansie, Alistair Darling het gesê dat hy na 'n verskeidenheid van maatreëls kyk om mense te help gedurende die ekonomiese afswaai, maar dat hy nog nie presies besluit het wat om te doen nie.
Skynbaar is een van die opsies wat die Britse regering ondersoek, die moontlikheid is om mense toe te laat om die betaling van seël belasting uit te stel. Dit sal huiskopers ekstra tyd gee om die belasting te betaal, terwyl die regering ook nie die inkomste verloor nie.
Die BBC het berig dat sommige eiendomsagente in Engeland en Wallis eiendomme bemark sonder om die sogenaamde 'Home Information Pack' (HIP) te bestel.
Volgens die wet, moet alle huisverkopers 'n HIP bestel wanneer hulle die eiendom op die mark sit en na 28 dae moet 'n HIP gekoop word. So 'n HIP kos in die omgewing van £300 tot £400. Die idee agter die bekendstelling van die HIP was om kopers inligting te gee oor die eiendom en so die kanse dat die koop deur die mat val te verminder. Inligting wat in 'n HIP ingesluit word is, is onder andere; bewys van die titelakte, onlangse toestemming om te bou, sertifikaat oor die energie verbruik van die eiendom ens.
Volgens die Britse Regsorde, is die HIP in sommige gevalle vir weke na die eiendom op die mark gekom het nie beskikbaar nie. Die organisasie glo dat verkopers lugtig is om te betaal vir die HIPs in die lig van die verswakkende eiendomsmark.
Die Nationwide Bougenootskap het berig dat daar 'n jaarlikse daling van 8,1% was in huispryse. Dit is die grootste jaarlikse daling sedert Nationwide die tipe van opnames begin doen het in 1991. Die jongste maandelikse daling in huispryse was 1,7% vir Julie-maand. Volgens Nationwide het huispryse nou vir nege agtereenvolgende maande gedaal en is nou op die laagste vlak sedert Augustus 2006.
Die gemiddelde prys van 'n huis is nou £169,000, £15,000 minder is as vir dieselfde maand 'n jaar gelede. Nietemin, is huispryse steeds £11,000 hoër as drie jaar gelede.
Die BBC het berig dat Nationwide se hoof-ekonoom gesê het dat die verswakkende ekonomie en lae verbruikersvertroue daarop dui dat die mark nie vinnig gaan herstel nie. Die goeie nuus vir leners is egter dat indien die prys van olie bly daal, dit tot 'n reeks dalings in die rentekoers kan lei.
Intussen het die BBC verder berig dat die 'National Housing Federation' gesê het dat hulle verwag dat huispryse met 25% gaan styg teen 2013. Dit is weens die feit dat die hoeveelheid nuwe huise wat gebou word, nie tred hou met die groot aanvraag na huise wat spruit uit die feit dat mense langer leef, later trou en meer egskeidings voorkom nie.
Die Britse regering het hul dokument oor die beoogde Vlak 4 van die nuwe punte gebaseerde immigrasie stelsel vir Studente bekend gestel. Dit is die nuwe immigrasie-roete vir persone wat in die VK wil studeer.
Daar word verwag dat die beoogde Vlak 4 die huidige studente visum roete sal vervang in die eerste deel van 2009. Die dokument is egter op die stadium net 'n konsep en die beoogde maatreëls kan nog op enige tydstip verander of aangepas word.
Die nuwe sisteem het as onderliggende basis die beginsel van borgskap. Dit beteken dat elke student 'n opvoedkundige instansie moet kry wat bereid is om hom/haar te borg. Die opvoedkundige instansie moet op sy beurt oor 'n lisensie van die Britse 'Border Agency' beskik om as borg te kan optree. Die opvoedkundige instansie sal ook aan baie streng reëls en regulasies moet voldoen om te kwalifiseer vir so 'n lisensie en sal verpligtinge moet nakom soos om studente aan te gee wat nie aan die reëls van hul studente visums voldoen nie, nie betyds inskryf vir kursusse nie, nie kursusse bywoon nie ensovoorts.
Vir 'n student om te kwalifiseer om te kan aansoek doen vir die Algemene Studente visum, moet aansoekers ten minste 40 punte verdien in twee kategorieë van objektiewe kriteria;
1. Bevestiging dat hul wel
aanvaar is vir studies by 'n opvoedkundige instansie - 30 punte.
2. Moet kan bewys lewer dat hy/sy genoegsame fondse het om vir die studies te
betaal en vir onderhoud - 10 punte.
Studente wat 'n studente visum kry onder die nuwe Vlak 4 sal steeds deeltyds mag werk gedurende die termyn en voltyds gedurende vakansie-tye. Hulle mag ook afhanklikes saamneem na die VK, mits hulle natuurlik aan die nodige vereistes in die verband voldoen.
Kontak gerus ons kantore vir meer inligting.
Die Britse regering het nuwe maatreëls aangekondig om die verskynsel van gedwonge huwelike strenger te bekamp.
Volgens die regering toon hul statistieke dat sowat 30% van die sake wat hanteer word deur hul eenheid wat werk met die slagoffers van gedwonge huwelike tussen die ouderdom van 18 en 21 jaar oud is. Dit het gelei tot die jongste voorstel dat die ouderdom waarvoor iemand kan aansoek doen vir 'n huweliksvisum verhoog word van 18 jaar oud na 21 jaar oud.
Die vyf sleutel voorstelle vervat in die regeringsdokument is;
Die ouderdom waarop iemand 'n persoon kan borg vir 'n huweliksvisum moet styg van 18 na 21 jaar oud;
Oorsese eggenote sal gevra word om 'n ooreenkoms aan te gaan om Engels te leer alvorens hul na die VK kom;
'n Maatreël word beoog om iemand se toestemming tot verblyf op te skort indien daar bewyse is dat die huweliksroete misbruik word;
Daar sal van alle borge verwag word om te registreer dat hul van plan is om oorsee te trou, alvorens hul die VK verlaat vir die troue;
'n Spesiale gedragskode sal ingestel word wat spesialis spanne sal help om kwesbare persone te identifiseer wat moontlik in 'n gedwonge huwelik geforseer kan word.
Die Britse regering het aangekondig dat oorsese burgers wat Britse burgers wil word, hul reg moet verdien om in die VK te bly.
Die konsep wetsontwerp op Immigrasie en Burgerskap, wat op 14 Julie 2008 gepubliseer het, sal indien dit goedgekeur word, die tien Wette van die Parlement in die verband vervang en die Regering se planne om die huidige immigrasie-wetgewing indringend te verander wet maak.
Die sleutelplanne wat ingesluit is in die wetsontwerp sluit in;
Magte sal aan immigrasie-beamptes gegee word om visums by doeane-poste en lughawens te kanselleer;
Daar sal 'n wetlike plig rus op migrante om te verseker dat hul die nodige toestemming het om in die VK te wees;
'n Enkele vaartbelynde mag sal geskep word om diegene wat sonder toestemming is in die VK, te deporteer;
Migrante moet nou die reg om in die VK te bly verdien;
Volle toegang tot voordele sal gegee word vir burgers en diegene met permanente verblyf, maar migrante sal 'n bietjie ekstra moet opdok vir die koste van plaaslike dienste.
Die Britse regering het bevestig dat nuwelinge in die VK 'n bietjie ekstra sal moet betaal vir plaaslike dienste, alvorens hul burgers word, om 'n fonds te skep om die polisie, skole, plaaslike owerhede en gesondheidsdiensste te help om met die kort-termyn druk van migrasie in hul areas te verlig.
Die Britse regering het 'n beleidsdokument vrygestel waarin hulle effek gee aan die Hof se besluit in die geregtelike heroorweging van die HSMP op 8 April 2008.
Die Hoër Hof het op 8 April 2008 besluit dat migrante wat op die Permit vir Hoogs Geskoolde Migrante (HSMP) was voor 7 November 2006, 'n redelike verwagting gehad het dat die nuwe strenger reëls wat in werking getree het om 'n verlenging van die permit te kry, nie op hul van toepassing sou wees nie.
Dit is baie goeie nuus vir migrante wat hul HSMP permit gekry het voor 7 November 2006, aangesien hulle sal kan aansoek doen vir 'n verlenging van hul permit onder die ou reëls.
Indien jy jou HSMP permit gekry het onder die reëlings wat van toepassing was van 5 Desember 2006, sal jy ongelukkig nie gedek word deur die hof-uitspraak nie en sal die nuwe, strenger reëls vir 'n verlenging van toepassing wees op jou.
Kontak gerus ons kantore vir verdere inligting in die verband.
Die Britse regering het aangekondig dat streng nuwe visum reëls ingestel kan word vir 11 lande, nadat hulle 'n globale hersiening gedoen het van die lande wie se burgers 'n visum nodig het om die VK te besoek.
Die Visum Vrystelling toets het alle nie-Europese lande getoets teen 'n streng stel reëls om te bepaal wat die betrokke land se risiko is in terme van onwettige immigrasie, misdaad en sekuriteit. Die resultaat van die toets was dat daar 'n sterk saak bestaan om 'n visum-stelsel in te stel vir die volgende lande; Bolivia, Botswana, Brazilië, Lesotho, Maleisië, Mauritius, Namibië, Suid-Afrika, Swaziland, Trinidad, Tobago en Venuzuela.
Die implikasie van die toets is dat die Britse regering visum-vereistes kan instel vir kort-termyn besoekers van hierdie lande, mits die lande daartoe in staat is om te kan bewys lewer dat die risiko wat hulle inhou drasties verlaag is teen die einde van 2008. Indien die lande nie sodanige bewys kan lewer nie, sal hulle moet aansoek doen vir 'n ses-maande visum om die VK te besoek en vinger-afdrukke moet verskaf voor hulle na die VK reis.
Die Britse regering het gesê dat hulle nou saam met die lande sal werk om hulle risiko te verlaag. Indien hulle wel sodanige bewys kan lewer, sal 'n nuwe visum-stelsel nie ingestel word nie. Geen finale besluite in die verband sal gemaak word voor vroeg 2009 nie.
Die Bank van Engeland het besluit om rentekoerse te hou op 5% vir die maand.
Die besluit is wyd verwag, ten spyte van oproepe van besighede om die rentekoers te sny, in die lig van die groeiende kommer oor die ekonomiese verlangsaming in die VK. Die BBC het berig dat analiste reken die Bank van Engeland sit met 'n tameletjie in die verband; indien hulle rentekoerse verlaag, kan hul beheer verloor oor inflasie. Daarteenoor, indien hulle rentekoerse verhoog, kan hul beheer verloor oor groei en 'n moontlike resessie in die gesig staar.
Die BBC het berig dat Halifax, die VK se grootste verbandlener, aangekondig het dat eiendomspryse met 2% gedaal het gedurende Junie 2008. Die beteken dat pryse nou 6,1% laer is as 'n jaar gelede, en wat die gemiddelde huisprys nou op dieselfde vlak bring as in Augustus 2006.
Die gemiddelde huisprys in nou £180,344.
Halifax het egter gesê dat huispryse redelik bestendig behoort te bly, aangesien indiensname vlakke hoog is, rentekoerse steeds laag is en daar 'n tekort aan huise is in die VK.
Die Britse regering het aangekondig dat hulle 'n ooreenkoms bereik het met die Amerikaanse regering om reistye tussen die VK en die VSA te bespoedig vir betroubare persone wat gereeld tussen die twee lande reis.
Die Britse Minister van Immigrasie, Liam Byrne, het gesê dat vinnige reistye van die uiterste belang is vir groot finansiële instansties en dat 'n ooreenkoms daarom bereik is.
Hy het ook aangekondig dat 'n dokument gepubliseer gaan word oor hoe die nuwe punte gebaseerde immigrasie-stelsel gaan werk vir diegene wat wil aansoek doen om in die VK se finansiële industrie te werk.
Die Britse regering het Vlak 1 van die nuwe punte gebaseerde immigrasie-stelsel wêreldwyd in werking gestel op 30 Junie 2008. Vlak 1 sluit die kategorie vir hoogs geskoolde werkers, entrepreneurs, investeerders, sowel as die kategorie vir post-studie werk in.
Die agt immigrasie kategorieë wat verwyder is met die implementasie van Vlak 1 is:
Kontak gerus ons kantore vir meer inligting.
Die BBC het berig dat die Minister van Immigrasie, Liam Byrne, besluit het om planne te laat vaar om families 'n kontant borg te laat betaal vir familie-lede wat wil kom kuier van buite die EU. Die geskrapte planne het vroeër beoog om families 'n £1,000 deposito te laat betaal om te verseker dat die familie-lede betyds die VK verlaat. Volgens die minister is daar tot die gevolgtrekking gekom dat die planne nie sou werk nie.
Nuwe voorstelle stel nou voor dat families wat oorsese familie-lede borg, boetes van tot £5,000 opgelê kan word of selfs tronkstraf opgelê kan word indien die familie-lede nie hul visum voorwaardes nakom nie.
Ander voorstelle wat deur die Britse regering gemaak is, sluit in:
Twee nuwe besigheidsvisums vir sportpersone en vermaaklikheidskunstenaars;
Die maksimum periode waarvoor 'n toeriste visum toegeken kan word is ses maande;
'n Appèl sisteem vir diegene wat na die VK kom onder die familie-roete;
'n Nuwe kort-termyn, lae koste groep toeriste-visum om toerisme na die VK te bevorder, en;
'n Visum vir mense wat na die VK wil reis vir eenmalige kulturele gebeure soos die Edingburgh fees.
Die Guardian het berig dat daar groot teenstand uit verskeie oorde was teen die Britse regering se planne om verpligte Engelse toetse in te stel vir die eggenotes van Britse burgers, wat na die VK wil verhuis om by hul eggenotes te wees.
Volgens immigrasie-prokureurs kan so 'n voorstel die konvensie op menseregte skend, aangesien dit sodanige persone se reg om te trou en 'n familie-lewe te hê skend.
Mense wat deelgeneem het aan die konsultasie-proses in die verband het ook gevoel dat dit beter sal wees vir die mense om Engels te leer waar sodanige klasse maklik beskikbaar is en waar die eggenotes deel kan word van die Britse lewe.
Die Guardian koerant het berig dat 'n studie wat gepubliseer is deur die Britse Departement van 'Work and Pensions' gevind het dat Britse werkers nie oor die nodige vaardighede en motivering beskik om poste te vul wat die afgelope vier jaar meerendeels deur migrante van Oos-Europa gevul is nie.
Die studie het verder bevind dat die algemene slegte posisie van laags geskoolde werkers, nie die tekort aan beskikbare poste en formele kwalifikasies reflekteer nie, maar eerder kwessies rondom vaardighede om in diens geneem te word, byvoordele en motivering.
Die studie is gedoen in die lig van die aansienlike algemene bekommernis van die publiek dat migrante werkers die poste van Britse werkers ontneem. Die uitslag van die studie het egter hoorsê getuienis van werkgewers ondersteun wat gesê het dat hul oor die algemeen migrante werkers meer betroubaar, produktief en hardwerkend ervaar.
Die studie se uitslag het gekom in die lig van getuienis wat die Britse regering uitgereik het, wat wys dat onlangse migrasie die ekonomiese groei met 0,15% per kapita van die nie-migrasie bevolking laat styg het. Dit is die ekwivalent van £1,650 in verdienste per Britse burger oor die afgelope dekade. Die Britse regering het ook gesê dat beskikbare poste oor die afgelope jaar gestyg het tot 'n rekord hoogte van 680,000, wat 'n bewys daarvan is, dat daar wel poste beskikbaar is vir Britse burgers.
Die Britse Regering het aangekondig dat twee nuwe beroepe bygevoeg is op die beroep-tekortlys en dat twee titels op die lys verander is.
Die beroepe wat bygevoeg is op die lys is 'electricity generation engineers' en 'high integrity pipe welders'. Die veranderinge op die lys is vir 'quantity surveyor' en 'pharmacist (including pre-registration pharmacists).
Vanaf 18 Julie sal die volgende beroepe verwyder word van die lys; 'CAA licensed aircraft engineers' en 'consultant posts in geriatric medicine and rehabilitation medicine'.
Die implikasie van 'n beroep wat verwyder word van die lys, is dat werkpermitte steeds toegeken kan word vir die beroep, maar dat werkgewers nou die poste moet adverteer. Waar die werkgewer dan kan toon dat hy/sy nie 'n geskikte, gekwalifiseerde Britse of EU-burger kan plaas in die pos nie, kan 'n werkspermit uitgereik word aan die nie-EU burger.
Kontak ons gerus vir enige navrae in die verband.
Die BBC het berig dat volgens Halifax, Brittanje se grootste verbandlener, huispryse met 2,4% gedaal het in Mei 2008. Dit bring die gemiddelde Britse huisprys te staan op £184,111.
Die Nationwide bougenootskap het op hul beurt 'n daling van 2,5% vir Mei 2008 gemeld.
Die hoof-ekonoom by Halifax het na wat berig word gesê dat die daling in huispryse toegeskryf kan word aan die feit dat dit baie moeilik was vir potensiële huiskopers om huise te koop die afgelope jaar weens die vinnige styging in pryse van eiendom, die druk op die bestedingsvermoëns van verbruikers en die daling in beskikbare krediet.
'n Woordvoerder van die Britse Departement van Plaaslike Owerhede het gesê dit is belangrik dat wanneer 'n mens kyk na tendense in die mark, in ag te neem dat huispryse nou steeds sowat 39% hoër is as vyf jaar gelede en dat die probleem tans in die mark die beskikbaarheid van krediet is. Volgens die woordvoerder is die huidige situasie baie anders as in die 1990s toe probleme in die mark te wyte was aan hoë rentekoerse en werkloosheid.
Die Bank van Engeland se Monetêre Beleidskomitee het besluit om rentekoerse bestendig te hou op 5% vir Junie 2008.
Die besluit was verwag te midde van besorgdheid oor die stygende inflasie-koers, hoewel daar versoeke was vir 'n daling in die koerse om die effek van die verlangsaming van die ekonomie en dalende huispryse te temper.
Die BBC berig dat die meeste ontleders verwag dat die rentekoers onveranderd gehou gaan word vir die volgende paar maande.
Die BBC het berig dat 'n verslag deur die 'Work Foundation' bevind het dat geskoolde migrante nodig is in die VK in veral gebiede soos die wetenskap, mediese sorg en tegnologie.
Die skrywer van die verslag het ook gesê dat dit belangrik is dat die VK gesien moet word as 'n land wat oop en verwelkomend is teenoor migrante, aangesien enige vyandigheid teenoor migrante maatskappye sal verhoed om migrante in diens te neem. Vyandigheid wat beleef word in die VK sal ook beteken dat geskoolde migrante eerder na lande soos die VSA, Kanada en Australië sal kyk vir werksgeleenthede.
Die verslag het verder bevind dat desnieteenstaande die hoë-profiel immigrasie debat in die VK, die hoeveelheid geskoolde werkers wat na die VK verhuis het, relatief laag is. Volgens amptelike syfers het sowat 167,000 geskoolde werkers na die VK gekom in 2005, maar dat baie meer nodig is as Brittanje wil floreer in die globale mark.
Die Guardian koerant het berig dat syfers van die Britse Kantoor vir Nasionale Statistiek daarop dui dat ongeveer twee miljoen Britse burgers die VK verlaat het tussen 1997 en 2006.
'n Ontleder van die 'Public Policy Research' het na wat berig word gesê dat dit die grootse golf van emigrasie was in absolute syfers, hoewel 'n groter deel van die bevolking die land verlaat het in die 1930's en in die middel van die 19de eeu.
Baie van die Britte wat die land verlaat het, het dit gedoen om elders te gaan aftree, hoewel net sowat 6% bokant die ouderdom vir aftrede was. Australië was die mees gewildste bestemming.
Van die Britte wat die land verlaat het, was egter oorspronklik oorsese burgers wat later Britse burgerskap ontvang het en dan weer terug verhuis het na hul lande van herkoms.
Die uitvloei is gebalanseer deur die invloei van sowat 3,9 miljoen migrante oor dieselfde tyd.
Die Britse Regering het die jongste statistiek bekend gemaak oor burgerskap wat toegeken is in die jaar 2007. Sien die tabel hieronder vir die nasionaliteite met die grootste toekenning van Britse burgerskap in 2007.
|
|
Nasionaliteit |
Hoeveelheid |
Persentasie |
|
1 |
Indië |
14,490 |
9% |
|
2 |
Filippyne |
10,840 |
7% |
|
3 |
Afghanistan |
10,555 |
6% |
|
4 |
Suid-Afrika |
8,150 |
5% |
|
5 |
Pakistan |
8,140 |
5% |
Die Guardian koerant het berig dat die 'Royal Institution of Chartered Surveyors' (RICS) gesê het dat 'n daling in Britse huispryse deur byna elke eiendomsagent gerapporteer word. 'n Tekort in huise wat beskikbaar gestel word op die eiendomsmark het sover die daling in huispryse redelik beperk.
Data van die Bank van Engeland wys ook daarop dat die leningskoerse op sommige produkte gestyg het, nieteenstaande die feit dat die Bank van Engeland rentekoerse laat daal.
Dit word gesien as 'n aanduiding van die moeilker tye wat Britse verbandleners op die oomblik in die gesig staar.
Die Bank van Engeland se Monetêre Beleidskomitee het rentekoerse bestendig gehou op 5% vir die maand van Mei 2008. Ontleders is dit eens dat 'n daling in die rentekoers tot 4,75% verwag kan word in Junie-maand.
Volgens 'n dokument wat deur die Britse regering uitgereik is, gaan die huidige twee-jaar werksvakansie skema vervang word met 'n nuwe tipe Jeug Mobiliteit Skema. Dit sal plaasvind rondom die einde van Augustus 2008.
Die nuwe Jeug Mobiliteit Skema gaan werk op die beginsel van balans. Burgers van lande wat deelneem aan die skema sal na die VK mag kom vir twee jaar, mits dieselfde geleentheid beskikbaar is vir jong Britse burgers in daardie land. Elke jaar sal die Britse regering 'n lys van lande publiseer wat kwalifiseer vir die skema, tesame met die hoeveelheid plekke op die skema wat aan elke land toegedeel sal word.
Om te kwalifiseer vir die nuwe skema moet 'n persoon 50 punte verdien;
30 punte kan verdien word vir 'n Sertifikaat van Borgskap. Om hierdie sertifikaat te bekom moet die applikant 'n burger wees van 'n deelnemende land en geborg word deur sy/haar land. Dit word gedemonstreer deur 'n geldige paspoort te hê. Indien die betrokke land nie aan al die kriteria van die skema voldoen nie, moet 'n geldige sertifikaat van borgskap uitgereik word deur sy/haar regering.
10 punte kan verdien word indien die applikant tussen die ouderdom van 18 en 30 jaar oud is, inklusief.
10 punte kan verdien word indien die applikant kan bewys dat hy/sy hom/haarself kan onderhou tot tyd en wyl daar geld in die VK verdien kan word. 'n Syfer van £1,600 word genoem in die verband.
Suksesvolle aansoekers sal toegelaat word om te woon en werk in die VK vir 'n tydperk van 24 maande. Enige tipe werk mag gedoen word, maar die persoon mag nie 'n besigheid begin nie, professionele sport beoefen nie en ook nie werk as 'n dokter in opleiding nie.
Daar sal nog gesien word of daar voldoende maatreëls in plek gaan wees tussen Suid-Afrika en Brittanje, vir Suid-Afrikaners om te kan deelneem aan die skema van die begin af. Dit blyk op die stadium ongelukkig nie die geval te wees nie.
Breytenbachs beveel dus Suid-Afrikaanse kliënte wat wil aansoek doen vir hul twee-jaar werksvakansie visum om ons onverwyld te kontak.
Die huidige werkspermit-skema gaan vervang word met Vlak 2 van die nuwe punte gebaseerde immigrasie stelsel. Volgens 'n dokument wat uitgereik is deur die Britse regering in die verband, sal Vlak 2 in werking gestel word rondom die einde van Augustus 2008.
Ingevolge die nuwe skema vir geskoolde migrante, moet 'n Britse werkgewer eers 'n lisensie hê van die 'UK Border Agency' alvorens daar burgers van buite die EU in diens geneem mag word. Gelisensieerde borge sal dan aandui watter migrante van buite die EU hulle in diens wil neem, deur 'n Sertifikaat van Borgskap aan hulle uit te reik. So 'n sertifikaat is egter nie 'n waarborg dat daar wel 'n permit aan die migrant uitgereik sal word nie. As 'n voorwaarde van hul borgskap lisensie, moet 'n werkgewer die Britse regering in kennis stel indien 'n migrant nie aan sy/haar immigrasie voorwaardes voldoen nie, soos wanneer die persoon verdwyn, nie opdaag vir werk nie ens. Indien 'n borg dit nie doen nie, kan hy/sy die borgskap lisensie verloor.
'n Aansoeker onder die nuwe skema wat in die VK wil werk moet kan bewys dat hy/sy ten minste 70 punte verdien ingevolge die kriteria vir die skema. Sien die tabel hieronder. Die punte sal 'n Sertifikaat van Borgskap insluit, wat uitgereik moet word deur die voornemende Britse werkgewer vir 'n pos wat ingevolge die skema kwalifiseer. Twee verdere verpligte toetse word ook ingesluit, naamlik;
Die aansoeker moet kan bewys dat hy/sy hom/haarself kan onderhou. 'n Bedrag van £800 vir 'n aansoeke van buite die VK word vereis as bewys hiervan. Twee derdes van die bedrag word vereis vir elke afhanklike wat die hoof-aansoeker gaan vergesel. Indien dit bewys kan word dat die aansoeker wel die geld beskikbaar het, word 10 punte verdien.
Engelse taalvermoë. 10 punte moet hier verdien word.
| Afdeling | Sertifikaat van Borgskap | Kwalifikasies | Toekomstige Verdienstes | |||
| A | Beroep op lys van tekorte | 50 | Geen kwalifikasies | 0 | £17,000 - 19,999 | 5 |
| Werksaanbod wat nie gevul | 30 | NVQ3 | 5 | £20,000 - 21,999 | 10 | |
| kan word deur Britse of EU burger | ||||||
| Baccaleurs/Meesters | 10 | £22,000 - 23,999 | 15 | |||
| Intra Maatskappy Oorplasing | 30 | |||||
| PhD | 15 | £24,000 + | 20 | |||
| B | Onderhoud Vereiste | 10 | ||||
| C | Engelse Taalvaardigheid | 10 |
Dit is tans moontlik vir Britse werkgewers om aansoek te doen vir lisensies by
die 'UK Border Agency'. Breytenbachs beveel aan dat werkgewers ons so gou as
moontlik kontak om die proses aan die gang te kry. Kontak gerus ons kantore vir
meer inligting.
Die Britse regering het 'n dokument gepubliseer oor hoe die nuwe punte-stelsel sal werk vir tydelike werkers, Vlak 5, wat na Brittanje wil kom. Die nuwe reëls sal na verwagting geïmplementeer word rondom die einde van Augustus 2008.
Die nuwe Vlak 5 sal 'n paar van die bestaande immigrasie roetes na Brittanje vervang insluitende; sekere werkspermitte vir persone in die kreatiewe sektor en sport, onderwysers op uitruil-skema's, die Opleiding en Werk-skema (TWES), vrywillige werkers, Oorsese Regeringsamptenare ens.
Die basiese vereistes vir tydelike werkers onder die nuwe skema sluit in;
Migrante sal 'n borg benodig wat gelisensieer is by die 'UK Border Agency' wat sal bevestig dat die migrant aan sy/haar immigrasie vereistes sal voldoen en die VK sal verlaat sodra die visum verstryk.
Migrante sal moet kan bewys dat hulle 'n geldige Sertifikaat van Borgskap het en voldoende fondse het om hulleself te onderhou wanneer hulle na die VK kom.
Die nuwe Vlak 5 vir Tydelike werkers sal uit vyf sub-kategorieë bestaan; Kreatief en Sport, Welsynwerkers, Godsdienstig, Regering Uitruilooreenkomste en Internasionale Ooreenkomste.
Kontak ons gerus indien jy meer inligting in die verband benodig.
Die Britse regering het aangekondig dat baie strenger maatreëls gaan geld vir nie-EU immigrante sodra Vlak 2 en 5 van die nuwe punte gebaseerde stelsel in werking tree.
Navorsing deur die Britse regering dui daarop dat indien Vlak 2 en Vlak 5 reëls verlede jaar van krag was, daar tot 10% minder geskoolde en tydelike migrante van buite die VK na Brittanje sou kon gekom het. Dit is gelykstaande aan sowat 20,000 persone.
Die Guardian koerant het 'n woordvoerder van die Britse regering aangehaal wat sê dat die doelwit van die nuwe punte gebaseerde immigrasie stelsel is om 'n balans te handhaaf tussen die belange van Britse werkers en die vermoë van Britse werkgewers om geskoolde werkers van buite die EU te werf om poste te vul.
Die BBC het berig dat die meeste kenners op die gebied van eiendom wat vroeër voorspel het dat huispryse konstant gaan wees in 2008, nou voorspel dat huispryse gaan daal gedurende die jaar.
Die hoof-ekonoom by die Nationwide Bougenootskap het gesê dat hulle nou geringe dalings in 2008 verwag, weens gebrekkige bekostigbaarheid, 'n swak sentiment in die eiendomsmark en moeiliker krediet toestande.
Die hoof-ekonoom by die Halifax het gesê dat hulle ook 'n geringe daling in huispryse vir die jaar verwag. Volgens Halifax kan die daling toegeskryf word aan druk op verbruikersbesteding en die geweldige styging in huispryse die afgelope paar jaar.
Die BBC het berig dat volgens 'n studie van die 'Institute for Public Policy Research' (IPPR), burgers van Poland nou die grootste groep buitelanders in die VK is, meer as die migrante groepe van Indië en Ierland.
Volgens die studie het meer as 'n miljoen mense van die Oos-Europese lande wat by die EU aangesluit het in Mei 2004 reeds na die VK gemigreer. Volgens navorsers van die IPPR het egter sowat die helfte van hierdie mense reeds weer teruggekeer. Die redes hiervoor sluit in; goeie ekonomiese ontwikkeling in die nuwe EU lande sedert 2004, immigrante gaan nou na ander EU lande eerder as Brittanje aangesien van hierdie lande minder streng immigrasie reëls het en die devaluasie van die pond teenoor veral die Poolse geld-eenheid maak dit minder winsgewend om in Brittanje te werk.
Ander bevindinge van die studie sluit in;
Die indiensname koers onder migrante van die nuwe EU-lidlande is van die hoogste onder alle migrante groepe in die VK op 84%, wat ook 9% hoër is as die VK gemiddeld.
Baie min van die immigrante eis voordele van die staat.
Oos-Europese migrante werk oor die algemeen vier ure langer per week as werkers gebore in Brittanje.
Daar was 'n drie-vuldige toename in lugverkeer tussen die VK en die nuwe EU-lidlande sedert Mei 2004. Volgens die IPPR kan dit toegeskryf word aan verhoogde migrasie, toerisme en handel in beide rigtings.
Die Bank van Engeland se Monetêre Beleidskomitee het rentekoerse gesny van 5,25% tot 5% in 'n poging om die wêreldwye druk van krediet te verlaag. Dit was die derde verlaging in rentekoerse sedert Desember 2007.
Gordon Brown, die Britse eerste minister het in 'n onderhoud met die BBC gesê dat die 2,5% daling in huispryse, soos bekend gemaak deur die verbandlener, Halifax, in die lig gesien moet word van die feit dat huispryse met 180% gestyg het die afgelope 10 jaar.
Volgens mnr Brown het huispryse verder met 18% gestyg die afgelope drie jaar, wat 'n 2,5% daling binne die konteks heeltemal aanvaarbaar maak.
Hy het verder gesë dat die druk van krediet wêreldwyd 'n impak het, met sy oorsprong in Amerika.
Die hofaansoek by die Hooggeregshof deur die HSMP Forum was suksesvol.
Sir George Newman het in sy uitspraak verklaar dat die veranderinge in die HSMP reëls van 2006, sover as wat dit terugwerkend toegepas word op huidige HSMP permithouers, onwettig is en 'n misbruik van mag is. Hierdie uitspraak het verreikende gevolge en dit kan beteken dat heelwat HSMP permithouers wat voorheen 'n verlenging van hul permit op die nuwe kriteria geweier is, nou wel so 'n verlenging sal kan kry.
Die 'Home Secretary' Jacqui Smith is in die hofuitspraak beveel om die HSMP se kostes te dra.
Nietemin, moet mense nie te vinnig opgewonde raak nie. Die Britse regering het steeds die reg om hul te wend tot die Appèlhof wat sake weer kan verander.
Die Britse 'Home Office' het 'n toegewing gemaak aan drakoniese nuwe wetgewing, wat die potensiaal gehad het om mense wat die tydperk op hul visums oorskry het of ander immigrasie reëls oortree het te verban tot die VK vir 'n bepaalde tydperk.
Indien sodanige individue egter die VK vrywillig verlaat voor 1 Oktober 2008, sal hulle nie gebuk gaan onder die nuwe streng reëls in die verband nie. Nietemin bestaan daar steeds die moontlikheid dat die Britse Hoë Kommissaris hulle 'n verdere visum kan weier op grond van algemene gronde. Die verpligte verbod op grond van die nuwe reëls sal egter nie vir sodanige persone indien hulle die VK vrywillig verlaat het voor 1 Oktober 2008 nie.
Kontak gerus ons kantoor vir verdere inligting.
Die BBC het berig dat Britse boere besorg is oor oeste wat besig is om te bederf, weens die feit dat hulle nie genoeg arbeiders kan kry om te help met die oes daarvan nie.
Die rede vir die oënskynlike tekort aan landbou arbeiders volg na 'n aankondiging deur die Britse regering dat die Seisoenale Landbou Werkers Skema slegs beskikbaar is vir burgers van Roemenië en Bulgarye. Voorheen was die skema beskikbaar vir werkers van nie-EU lande om laag geskoolde seisoenale werk in die VK te doen.
Die minister van Immigrasie, Liam Byrne, het gereageer deur te sê dat laag geskoolde migrasie uitgefaseer word en dat besighede eers nader aan die huis werkers moet werf.
Die BBC het berig dat die Britse Eerste Minister, Gordon Brown gesê het dat immigrasie goed is vir die VK en het voorstelle van die hand gewys wat vra vir 'n jaarlikse limiet op immigrasie.
Hy het verder gesê dat migrasie £6 biljoen bydrae tot die Britse ekonomie en dat die meeste Britse besighede wat arbeidstekorte beleef het nou wyer kan soek vir geskoolde arbeid. Volgens mnr Brown besef die mense van Londen wat 'n geweldige bydrae immigrasie lewer, nie net van die investering wat die land binnekom van internasionale maatskappye nie, maar ook van die sleutel werkers wat die maatskappye vergesel en 'n reuse bydrae maak tot die Britse ekonomie.
Die BBC het berig dat die Nationwide Bougenootskap bekend gemaak het dat die gemiddelde huisprys in Brittanje gedaal het tot £179,110. </